IKTek hezkuntzan duten eraginaren inguruko artikulu zein bideoen gainean arituko naiz txoko honetan. Zenbait aplikazioren eta haien erabileraren berri ere emango dut. Zuen gustukoa izatea espero dut.
Gaurko gizartean pil-pilean dagoen gaia da Eskola 2.0 plangintza; izan ere, Ikastetxeetako ikasgela gero eta gehiago ditugu digitalizaturik, ESKOLA 2.0 gero eta hedatuago dago hezkuntzan.
Informazioa edo iritziak sarean eta edozeinekin trukatzeko tresna aproposak direla uste dut blogak. Ezagutza ezberdinak aplikatzeko eta partekatzeko beste modu dinamikoagoa da, entretenigarriagoa, eta hausnarketarako txoko aberatsa izan daiteke ikasle askorentzat. Blog bat dohainik lor eta sor daiteke gainera, eta oso erraz kudeatzen da.
Ez da lehendabiziko aldia Schank-i egindako elkarrizketa baten aurrean jartzen naizela. Zorionez, berak idatzitako artikulu bat baino gehiago irakurri izan dut, eta plazer bat da gizon prestu horren hitzak irakurtzea; nire gusturako, hala ere, muturreko konponbideak ematen ditu askotan.
